នៅព្រឹកថ្ងៃសៅរ៍ ១១កេីត ខែកត្តិក
ឆ្នាំម្សាញ់ សប្តស័កព.ស.២៥៦៩ ត្រូវនឹងថ្ងៃទី០១ ខែវិច្ឆិកា ឆ្នាំ២០២៥
លោកស្រី រ៉េត ផល្លីដា ភរិយារបស់
លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានអញ្ជើញចូលរួមបើកបវេសនកាល នៃសាលាបឋមសិក្សា កន្ទួត ដែលស្ថិតនៅ ឃុំតាំងក្រូច ស្រុកសំរោងទង ខេត្តកំពង់ស្ពឺ។
ឆ្លៀតក្នុងឱកាសនេះដែរ លោកស្រី និងក្រុមការងារសប្បុរសធម៌រួមគ្នាដើម្បីកុមារ បានធ្វើការសំណេះសំណាលជាមួយលោកគ្រូ អ្នកគ្រូ និងក្មួយៗសិក្សានុសិស្ស ព្រមទាំងបានចែកសំភារៈសិក្សាមួយចំនួន ជូនទៅដល់ក្មួយៗសិក្សានុសិស្ស២៧៥ផងដែរ។
លោស្រី បានចូលរួមមានប្រសាសន៍ លើកទឹកចិត្ត និងជំរុញដល់មាតាបិតាសិស្ស បញ្ជូនកូនទៅចុះឈ្មោះចូលសិក្សាអោយបានគ្រប់ៗគ្នា។ ពីព្រោះសាលារៀនគឺថ្នាលបណ្តុះបណ្តាលដល់កុលបុត្រ កុលធីតា ដែលជាទំពាំងស្នងឬស្សី និងធនធានមនុស្សដ៏សំខាន់ក្នុងអភិវឌ្ឍន៌ប្រទេសជាតិរបស់យើង។