លោកសែស រៀន ជាម្ចាស់លុយ ដែលមានស្រុកកំណើត ភូមិអណ្ដូងជើង ឃុំកំពែង ស្រុកគិរីវង្ស ខេត្តតាកែវ បានធ្វើដំណើរមកភ្នំពេញ រត់មកជួបក្រុមអ្នកកាសែត នឹងធ្វើបទសម្ភាសន៍ និយាយរឿងរ៉ាវអំពី លោកផ្កាយ១សៀន សារ៉ន បម្រើការងារ នៅបញ្ជាការដ្ឋានអង្គរក្ស ក្នុងកងអន្តរាគមន៍ ទ័ពពិសេសលេខ ២៤៦ខ្ចីលុយ ៥០០០ដុល្លារមិនព្រមសងទាល់តែសោះ ថាថ្ងៃនេះ ថ្ងៃនោះ ខែនេះខែនោះ រហូត ភ្លេចខ្លួនជាងមួយឆ្នាំបាត់ទៅហើយ ខណៈរូបលោក កំពង់ជំពាក់ធនាគារ វ័នករទៅហើយ។
លោក សែស រៀន ជាម្ចាស់លុយ បានថ្លែងប្រាប់ក្រុមអ្នកកាសែតទៀតថា លោកផ្កាយមួយ សៀន សារ៉ន ខ្ចីលុយលើកទីមួយចំនួន ១.៥០០ដុល្លារ នៅថ្ងៃទី ១៩ ខែ ៦ ឆ្នាំ ២០២៥ មានផ្ដិតមេដៃ ទាំងសងខាងនិងសាក្សី ដឹងឮ លើកទី២ ចំនួន ៣.៥០០ដុល្លារ នៅថ្ងៃទី១៩ខែ ១២ ឆ្នាំ ២០២៥ និងផ្តិតមេដៃទាំងសងខាងសាក្សីដឹងឮដូចគ្នា សរុបទាំងអស់ ៥០០០ដុល្លារ កំណត់ ៣ ខែ យកមកសងវិញទាំងការទាំងដើម។
ដោយឡែក ចំពោះ លោកផ្កាយ១សៀន សារ៉ន បម្រើការងារ នៅបញ្ជាការដ្ឋានអង្គរក្ស ក្នុងកងអន្តរាគមន៍ ទ័ពពិសេស លេខ២៤៦បានថ្លែងបទសម្ភាសន៍ជាមួយក្រុមអ្នកកាសែតតាមតេឡេក្រាមថាលោកមិនគេចវេសទេ ព្រោះការខ្ចីលុយនោះ មានឯកសារត្រឹមត្រូវ លោកមិនចង់ឲ្យមានរឿងរ៉ាវច្រើន និង ខូចកិត្តិយសលោកទេ។
ហេតុដូច្នេះហើយ លោកសែស រៀនជាម្ចាស់លុយ បានស្នើសុំ ទៅដល់ឯកឧត្តម នាយឧត្តមសេនីយ៍ផ្កាយមាស៤ សង្គហបណ្ឌិត ហ៊ីង ប៊ុនហៀង អគ្គមេបញ្ជាការរង ខ.ភ.ម មេបញ្ជាការ បញ្ជាការដ្ឋានអង្គរក្ស ជួយធ្វើកិច្ចអន្តរាគមន៍ទៅ លោកផ្កាយ១សៀន សារ៉នបម្រើការងារ នៅបញ្ជាការដ្ឋានអង្គរក្ស ក្នុងកងអន្តរាគមន៍ ទ័ពពិសេសនឹងសម្រួល ឲ្យជួយសងលុយលោកឲ្យគ្រប់ចំនួនវិញផង ស្របពេលនេះ លោកកំពុងលំបាកនិងខ្វះខាតខ្លាំងណាស់ លក់ទ្រព្យសម្បត្តិមួយចំនួនបង់ធនាគារហើយ។